Annulation de l'élection municipale d'Ajaccio : réaction de Paul Giacobbi
(A redazzioni d'Alta Frequenza) - U Tribunali Amministrativu di Bastia, a sapeti, hà annulatu ssu ghjovi l'alizzioni municipali d'Aiacciu. Tuttu ognunu pensa oghji à parechji ipotesi pà ciò chì tocca l'urganisazioni d'alizzioni novi. Tuttu u mondu aspetta di sicuru l'appellu pussibuli furmulatu da a lista di Laurent Marcangeli, ma ramintemi ch'ellu pò passà un bellu mesi senza chì nulla sighi statu dicisu. Dopu a riazzioni forti di una parti di a so anziana squadra, parechji usservatori aspettani sempri a presa di pusizioni di l'anzianu merri. Duvia essa oghji, ma l'anzianu diputatu è merri ùn s'hè micca manifistatu. Ss'annulazioni di a municipali d'Aiacciu sarà un tarramottu di a listessa putenza cà a vittoria di Laurent Marcangeli à u mesi di marzu ? Usservatori numarosi facini dunqua parechji ipotesi parchì u ritornu di a cità impiriali à diritta hè statu prisintatu assai com'è una ripresa da ssu currenti puliticu di a Corsica Suttana è di a Corsica tuttu simpliciamenti. Intarrugatu annant'à ssu puntu pricisu, u presidenti di l'Esecutivu hè firmatu assai prudenti stamani.
Steti à senta à Paul Giacobbi.
Sur le même sujet
