Annulation de la DSP maritime : la réaction du STC
(A redazzioni d'Alta Frequenza) - L'avisu di timpesta nant'à u Mediterraniu uccidintali ùn sarà micca statu trasmessu solu da i servizii meteurulogichi, ma dinò da u tribunali amministrativu di Marseghja, chì hà fattu pisà anch'ellu belli marosuli. L'arrestu di quissu quì hà, in fatti, ubligatu è furzatu a Cullettività di Corsica, è u so Uffiziu di i Trasporti, à francà in furia u passu inde l'elaburazioni di una nova chjama à l'ufferta chì duvarà dunqua essa lanciatu un bellu annu nanzi à a fini privista inizialmenti. À u prima di sittembri di u 2012, in fatti a Cullettività duvarà prisintà u dispusitivu novu chì s'impunarà à u serviziu maritimu di l'isula, ind'u quadru di u serviziu publicu. Emi dighjà intensu, o lettu, i riazzioni di tutti i partiti cuncernati da issu cambiamentu, uffuziu di i trasporti è cumpagnii maritimi, ma un interlocutori ditarminanti ùn hè ancu à sprima si. Si sà chì u sindicatu maghjuritariu à a SNCM, hà sempri influenzatu di manera forti a pulitica ghinirali di a cumpagnia. Ditaghju impurtanti, a CGT di i marinari hà persu dipoi calchì tempu a suprana nant'à l'effettivi di i salariati sempri pronti à riagiscia. U STC hè divintatu u sindicatu maghjuritariu è n'emi racoltu stamani (marcuri) u parè di u so secretariu ghjinirali, Alanu Mosconi.
Écoutons le
Sur le même sujet
