Annulation de la prorogation des Arrêtés Miot : Necessité d'une reforme constitutionnelle obligatoire pour Corsica Libera
(A redazzioni d'Alta Frequenza) - A revisioni custituziunali ! Pari essa oramai l'unica suluzioni pà salvà ciò chì pò sempri essa salvatu di l'arresti Miot. Com'è rigalu di fin d'annata, hè un intarru di quilli ch'ellu hà dicisu di fà u cunsighju custituziunali, mandendu à caternu u famosu articulu 14 accurdendu à a Corsica una derugazioni pà i diritti di successioni. Una dicisioni maiò pà a Corsica è i Corsi, ma chì firmarà malgradu tuttu, una goccia d'acqua ind'u tafonu senza fondu di a bancarotta bughjettaria naziunali. In fatti, u scopu di u cunsighju custituziunali, chì si pratendi cunsighju di i savii, s'arrimbaria piuttostu nant'à a voghja di metta i corsi "à u passu" cà nant'à quilla di circà qualsiasi manera d'arrigulà i famosi "niches fiscales". Fora di u fattu s'è pà u cunsighju, u piacè "d'arrigulà i so affari" à un presidenti di a Republica, bellu disturbatu d'altrondi, sighi passatu maestra davanti à a necessità d'essa daveru un "saviu". Un aspettu pusitivu pari spuntà quantunqua dopu à issa dicisioni nera : senza riforma custituziunali, micca suluzioni ! Hè ciò ch'ellu pensa Ghjuvan Guidu Talamoni ed hè ciò ch'ellu ci dici.
Écoutez le leader de Corsica Libera.
Sur le même sujet
