ANTICOR édite une charte éthique pour les candidats aux municipales de 2014
(A redazzioni d'Alta Frequenza) - A dilegazioni corsa di l'associu ANTICOR, chì t'hà pà scopu di luttà contr'à a curuzzioni in pulitica, hà urganizatu stamani (ghjovi) una cunfarenza di stampa in Aiacciu. I so membri ani prisintatu una Cartula etica, com'è un cuntrattu, ch'elli ani da prupona à tutti i candidati à l'alizzioni municipali di marzu di u 2014. Novi ingaghjamenti sò prisenti nentru à ssa cartula par asempiu pà ghjunghja à una certa trasparenza ind'è i puliticanti di pettu à a pupulazioni, à u nivellu di i so azzioni ma micca solu. D'appressu à Vincent Carlotti, rispunsevuli d'Anticor in Corsica, ssu ducumentu pò dà torna una maghjina bona di a pulitica, un disgustu ghjinirali è una "techja" fendu si risenta ind'u grandi publicu, di pettu à affari diversi di più in più numarosi.
Steti à senta à Vincent Carlotti.
