Arnaque au chauffe-eau solaires: l'association INDECOSA veille au grain
(A redazzioni d'Alta Frequenza) - Ci hè calcosa di novu inde l'affari ch'è no pudemi chjamà di a scruccunaria à i scaldacqua sulari, 70 casi sò cuncirnati quantunqua, ci voli à rammintà la. I parsoni tocchi sò andati stamani (ghjovi) à u centru di l'impositi d'Aiacciu pà fà cunnoscia u so disaccordu contr'à u fattu di duvè renda u famosu creditu d'impositu ricivutu ind'u quadru di ss'affari quì. Pari chì l'amministrazioni fiscali avissi aduttatu una pusizioni più aparta di pettu à ss'affari è par asempiu di pettu à i veri difficultà scuntrati da parechji famighji ind'u quadru di ssu "rimbursamentu". L'associu INDECOSA, chì s'hè criatu inghjiru à a CGT, hà presu u prublema in manu, a sapemi. Par ellu, u fattu di veda ricunnisciutu u carattaru di vittimi à i parsoni intarissati hè dighjà un'avanzata maiò è u trattamentu par ogni casu pari essa una bona suluzioni.
Steti à senta à Liliane Giacomoni.
