Arrêté Miot: la réaction d'Auropa Eculugia i Verdi - Europe Ecologie les Verts
(A redazzioni d'Alta Frequenza) - Dopu à a nova cinsura da u Cunsighju custituziunali di u dispusitivu d'esunerazioni cuncirnendu i diritti di successioni in Corsica, Auropa Eculugia i Verdi - Europe Ecologie les Verts hà vulsutu riagiscia ind'un cumunicatu. Pà l'eculugisti, "ssa dicisioni chì tocca i Corsi, ùn devi micca firmà senza suluzioni alternativa". "Com'è a dumandaiami dighjà l'annu scorsu, hè indispinsevuli chì u Statu, chì hà criatu ellu stessu ssa situazioni dipoi dicennii, dessi i mezi à u GIRTEC di cuntinuà è di compia a so missioni è pighjessi in contu a situazioni assai particulari di u fundariu in Corsica. È solu dopu à què, sarà pussibuli di fà entra a Corsica ind'u dirittu cumunu", cuntinueghja AEIV-EELV. È di cuncluda chì AEIV-EELV "batti à prò, dinò di una legi specifica chì rispundaria à ssa prublematica è parmittaria, s'è u Cunsighju custituziuniali ùn era chersu da nisun gruppu, di risponda in furia à i dumandi di i citadini di Corsica".
Sur le même sujet
