Arrêté Miot: la réaction de Jean Zuccarelli
(A redazzioni d'Alta Frequenza) - Dopu à a dicisioni di u Cunsighju custituziunali nant'à l'arrestu Miot (veda altrò), u presidenti di l'ADEC è candidatu PRG à i municipali di Bastia Jean Zuccarelli hà riagitu ind'un cumunicatu. "Aldilà di l'emuzioni lighjitima è l'incumprensioni nati par via di ssa dicisioni in tutta a pupulazioni corsa, ci voli à ricircà oramai i suluzioni i più adattati pà caccià u più prestu pussibuli l'effetti inghjinnati da una situazioni simuli", dici Jean Zuccarelli. Ss'ultimu faci dunqua torna a so "pruposta di scriva tutti i dispusitivi dirugatorii chì a nostra isula t'hà dighjà (creditu d'impositu, fiscalità successurali, FIP, TVA...) ind'un veru pattu ecunomicu è fiscali chì parmittaria à a Corsica di securizà l'arnesi nicissarii pà u so sviluppu".
Sur le même sujet
