Arrêté Miot : la réponse de Corsica Libera au conseil constitutionnel
(A ridazzioni d'Alta Frequenza)- Dopu à a dicisioni di u Cunsigliu Custituziunali par ciò chì tocca à l'arrestu Miot (veda altrù), Corsica Libara riagisci. U muvimentu cunduttu da Ghjuvan'Vitu Talamoni pensa ch'issa dicisioni hè "stampata da u disprezzu è a stizza anti corsa chì piddani sempri a suprana in l'elitti amministrativi è pulitichi francesi". "Iss'andatura accanita devi purtà i riprisintenti di a Corsica à cuntinuvà sempri è sempri u so sforzu di cuisioni à prò di u nosciu populu. Hè oramai chjara par tutti chì nudda ùn vinarà da u bon'vulè pariginu. Ùn sò chè i raporti di forza pulitichi à pudè cambià i cosi" dici dinò u cumunicatu di u gruppu. "Hè dinò par quissa chì u nosciu gruppu, da tanti anni, hà circatu à avvicinà i parè di l'eletti di a Corsica. Duvaria essa rinfurzata issa stratigia in i sittimani ch'entrini" pricisa u gruppu.
