Arrêtés Miot : EELV se positionne au plan national
(A redazzioni d'Alta Frequenza) - Europe Écologie les Verts è a so raprisintazioni naziunali entri ind'a rivolta purtata in Corsica contr'à a dicisioni di u cunsighju custituziunali, si tratta ben intesu di l'arresti Miot. U secretariu naziunali di i Verdi, Pascal Durand è Vincent Placé u raprisintanti di u gruppu à u Senatu, dicini, ind'una tribuna, chì u gruppu difindarà da u cantu di u guvernu un regimi fiscali dirugatoriu è adattatu chì pighjessi in contu a singularità di a Corsica, di a so storia, di a vita di a so ghjenti è u calendariu di travaghju di u Girtec. I gruppi parlementarii d'Europe Écologie les Verts travaghjani dighjà nant'à pruposti di regimi di successioni pà a prossima legi di finanza rettificativa. Dopu à un bon principiu annunziatu da u ministeru di i finanzi, eccu chì a lotta di i quilli chì difendini un regimi dirugatoriu pighja u culori verdi. Saria u culori di a sperenza !
