Arrêtés Miot : la position de Force Ouvrière 2A
(A redazzioni d'Alta Frequenza) - L'arrestu Miot, o l'arresti Miot comu si dici di manera cumuna, custituisciarani ancu oghji a materia principali di u nostru nutiziali, è sarà listessa pà calchì tempu dinò. In fatti, vidimi mali rifalà propiu à lestra u soffiu di un'infurmazioni chì hà fattu l'effettu di una bomba duranti l'ultimi ghjorni di l'annu 2012 postu chì tuttu u mondu t'hà bè in menti chì di a riazzioni chì pudarà nascia in Corsica hà da dipenda nurmalamenti a fini di u cunflittu. Cunflittu cù u Statu cintrali, d'altri diciarani cù a Francia, parchì Paul Giacobbi, arimani (ghjovi) à l'uccasioni di una cunfarenza di stampa, hè statu più cà chjaru : ùn ci hè cà una mudificazioni di a Custituzioni mittendu a Corsica in quantu ch'è entità propia chì pudarà parmetta d'adattà i diritti di successioni à i bisogni essenziali di l'isula. È issa mudificazioni custituziunali ben intesa duvaria andà assai aldilà di l'unichi cunsidarazioni fiscali parchì si trattaria tuttu simpliciamenti di un novu statutu pà a Corsica. Ed eccu chì spunta torna l'idea di l'aventura indipendentista riattivata ghjustu appuntu da issa mudificazioni di a Custituzioni. A pulemica rinasci ind'i furmazioni pulitichi è sindicali com'è quilla chì hè spuntata da u cantu di a CGT. I listessi prublemi sò prisenti o micca ind'è Force Ouvrière?
C'est ce que nous avons demandé à Paul Giacomoni, pour l'Union départementale de Corse-du-Sud.
Sur le même sujet
