ARS : satisfaction dans le Fiumorbu
(A redazzioni d’Alta Frequenza) - Suddisfazioni ind’u Fium’Orbu dopu à l’annunzii fatti da l’ARS, l’Agenza Righjunali di a Saluta. Dominique Blais, u so direttori pà a Corsica, hà prumissu in fatti di risponda à i dumandi di l’abitanti è di l’eletti chì s’erani custituiti in cullettivu. Ani prumissu dunqua duranti un scontru chì s’hè tinutu arimani (marcuri) ; a perenisazioni di u SMUR, a struzzioni di subbitu di u cartulari di u scanner, l’autorisazioni di apra un centru di rieducazioni funziunali nant’à a zona, infini a missa in ballu di un gruppu di travaghju chì duvaria sbuccà nant’à a criazioni di un polu medicali o di un’antenna aduniscendu parechji tippi d’attività.
