Assassinat d'Antoine Sollacaro : la réaction du maire d'Ajaccio
(A redazzioni d'Alta Frequenza) - Antoine Sollacaro hè statu tombu stamani (marti) in Aiacciu, versu 9 ori, mentri ch'ellu era ind'una stazioni serviziu nant'à a strada di i Sanguinarii. L'avucatu ben cunnisciutu hè statu toccu da una o parechji balli, ma i circustanzi esatti di i fatti ùn sò ancu sappiuti. U prucuratori è i servizii di pulizza sò sopralocu da rializà i primi custatazioni. U merri d'Aiacciu, Simon Renucci, ma dinò u presidenti di l'Assemblea di Corsica, Dominique Bucchini sò dinò nant'à i lochi di l'assassiniu, com'è u prifettu di Corsica, Patrick Strzoda, è assai assai avucati. Iss'ultimi si sò ditti veramenti cummossi una volta a nutizia cunnisciuta. A pulizza scentifica è tennica prova à rilevà u più infurmazioni pussibuli chì pudariani ghjuvà à l'inchiesta. U ministeru publicu si pudaria sprima da quì à calchì minutu. Simon Renucci hà dichjaratu pà contu soiu chì "quandu omu s'attacca à un avucatu, omu si ni pighja à a presunzioni di nucenza".
Écoutez Simon Renucci.
Sur le même sujet
