Assassinat d'Yves Manunta : la JIRS saisie.
(A redazzioni d'Alta Frequenza) - Mancu 24 ori dopu à l'assassiniu d'Yves Manunta in Aiacciu, u ministeru publicu di Corsica Suttana ùn s'accupa più di u cartulari, oramai presu in carica da a JIRS di Marseghja. L'inchiesta hè appena cuminciata. Rammintemi chì Yves Manunta hè mortu ghjustu dopu à a so intrata à l'uspidali di a Miséricorde, eri (luni) in fin di dopu meziornu. Hè statu intrappulatu da parechji tiradori, carrughju Rossi. Rammintemi dinò chì Yves Manunta era statu toccu da dui provi d'assassinii, in u 1996 è di vaghjimi scorsu. Stasera quì, l'8 di nuvembri di u 2011, a so moghja è a so fighjola erani stati feriti. Eri, i tiradori sò riisciuti ad avè a so vittima. Un omu, inveci, hè statu arristatu calchì minutu dopu à i fatti. Brusgiatu à più di 50%, hè statu uspitalizatu in Aiacciu, nanzi d'essa trasferitu nant'à un uspidali marsighjesu, ind'un'unità pà i grandi brusgiati. Hè statu piazzatu ind'un coma artificiali. L'inchiestadori facini a leia di issi brusgiaturi di a viittura in focu, ritrova sopra à Aiacciu, è chì avaria pussutu ghjuvà à i tiradori. Quandu chì u statu di saluta di u ghjovanu, di una trentina d'anni, parmittarà a so audizioni, sarà intesu è pudarà essa prisintatu à un ghjudici di struzzioni pà una missa in asamini pussibuli. Hè par avà in guardia custodia di modu "virtuali". Si sà solu chì iss'ultimu hè cunnisciutu da i servizii di pulizza, è ch'ellu hà sceltu, una volta ghjuntu à l'uspidali, l'avucatu Camille Romani pà raprisintà lu. Quissu quì ùn hà ancu pussutu scuntrà u so clienti di pettu à u so statu di saluta.
Sur le même sujet
