Assassinat de Jacques Nacer : Dominique Bucchini a rencontré les ministres ce matin
(A redazzioni d'Alta Frequenza) - Manuel Valls è Christiane Taubira sò dunqua in Corsica dipoi stamani (ghjovi). Una visita carca, urganizata à l'ultima minuta dopu à u novu umicidiu d'arisera chì hà toccu, rammintemu la, u presidenti di a Camara di Cumerciu di Corsica Suttana. I dui ministri vultarani malgradu tuttu da quì à deci ghjorni, pà ammintà i prublematichi nant'à u fondu, è fà un bilanciu di i scontri d'oghji. Scontri cù i servizii di u ministeru publicu è di a pulizza, intrattenu cù una dilegazioni di a CCI duranti issa matinata d'oghji. I dui ministri ani scuntratu à l'eletti dopu, Dominique Bucchini, Laurent Marcangeli, Simon Renucci è Paul Giacobbi. Un appuntamentu di una meza ora à l'ingrossu, è un scambiu di u quali u presidenti di l'assemblea di Corsica aspetta assai. Ci voli à agiscia à longu andà hà dittu Dominique Bucchini. Pà ellu, ci sò dui radichi di u mali, "i soldi", è u "mal essa suciali".
Écoutez Dominique Bucchini.
Sur le même sujet
