Assassinat de Jacques Nacer : le Premier ministre déplore que la mafia soit à l'oeuvre
(A redazzioni d'Alta Frequenza) - Jean-Marc Ayrault, u Primu ministru, hà parlatu anch'ellu dopu à l'assassiniu di Jacques Nacer, u presidenti di a Camara di Cumerciu è d'Industria di Corsica Suttana, arisera (marcuri) in Aiacciu. In spiazzamentu in Berlinu, Jean-Marc Ayrault hà rigrettatu chì "a maffia [fessi] a legi in Corsica" mentri chì "a Republica, ella, devi essa dapartuttu". A vigilia dighjà, vulia dimustrà "a ditarminazioni di u guvernu pà luttà contr'à a viulenza inde l'isula". Rammintemi chì u Primu ministru avia dighjà prupostu deci misuri pà luttà contr'à u crimini urganizatu in Corsica. D'un'antra banda, a portavoci di u guvernu Najat Vallaud-Belkacem, hà ammintatu una "circularia penali pà a Corsica" chì saria "in traccia d'essa appruntata". È què pà essa liatu à a "rialità di a grandi criminalità specifica", mischjendu pulitica, banditisimu, immubiliari è imbiancamentu di soldi. A portavoci di u guvernu hà sottulineatu chì mezi in più sariani mandati da quì à pocu in Corsica "pà fà piantà a cullata di a viulenza".
Écoutez Jean-Marc Ayrault, le Premier ministre, depuis Berlin.
Sur le même sujet
