Assassinat de Jean-Luc Chiappini à Ajaccio: premiers éléments
(A redazzioni d'Alta Frequenza) - U sustitutu di u prucuratori di a republica veni di cumunicà dopu à l’assassiniu di Jean Luc Chiappini in Aiacciu. Nant’à i fatti, pari chì Jean Luc Chiappini viaghjava cù a so vittura à u nivellu di u ghjiratoghju di l’aeruportu, quandu un T Max l’hè passatu davanti nant’à u quali c’era unu o parechji individui chì l’ani tiratu adossu. Toccu da una o parechji balli, Jean Luc Chiappini hà persu u cuntrollu di u so veiculu, chì hà sciappatu una griglia ed hè andatu à finiscia a so corsa nant’à u parking di l’istitutu cunsulari di furmazioni duva c’erani parechji elevi in furmazioni, pà quali una cellula psicologica hè stata missa in piazza inde l’aeruportu Napoléon Bonaparte. Micca elementi in più par avà, l’inchiesta hè stata cunfidata à a Pulizza Ghjudiziaria. Dopu à iss’avenimentu tragicu, u cunsighju esecutivu di Corsica è u presidenti di l’assemblea ani dicisu d’annulà u dibattitu nant’à a cuufficialità di a lingua corsa, chì si duvia tena à partasi da 3 ori. L’insemi di l’eletti prisenti inde l’emiciculu ani rispittatu una minuta di silenza in mimoria di Jean Luc Chiappini.
Ecoutez le substitut du procureur de la République d'Ajaccio, Valérie Tavernier.
Sur le même sujet
