Assassinat de Jean-Luc Chiappini : Simon Renucci invite à la réflexion
(A redazzioni d'Alta Frequenza) - L'investigazioni è l'audizioni di i primi testimonii cuntinueghjani dopu à l'assassiniu arimani in Aiacciu di Jean Luc Chiappini, u presidenti di u parcu naturali righjunali di a Corsica. Hè a dicesima parsona tomba inde l'isula dipoi u principiu di l'annu. Jean Luc Chiappini hè statu toccu da trè balli à u minimu quandu ellu vinia di parta da l'aeruportu Napoléon Bonaparte mentri ch'ellu andava ver di u centru cità. Hè statu tombu da un omu nant'à una motò, chì hè scappatu. U presidenti Chiappini vultava da una riunioni à u centru naziunali di i parchi righjunali. A so autopsia sarà rializata dumani in Aiacciu. Dopu à iss'umicidiu, u cunsighju municipali s'hè adunitu ghjovi à sera sottu à a presidenza di u merri d'Aiacciu. Simon Renucci, chì era apparintatu à Jean Luc Chiappini, era inde u stessu avviò arimani chì ghjunghjia da Parighji. Aldilà di l'umaghju parsunali à a parsona morta, hà vulsutu fà nascia a riflessioni di tuttu u cunsighju municipali pà circà una, o parechji chjavi di cumprensioni à a situazioni attuali.
On écoute Simon Renucci.
Sur le même sujet
