Assemblée de Corse : la protection des zones sensibles en question
(A redazzioni d'Alta Frequenza) - Assemblea di Corsica, i cunsighjeri tarrituriali è esecutivi si sò ritrovi (ghjovi) pà una seenza di quistioni urali. Subbitu, Jospeha Giacometti hà postu una dumanda à Maria Giudicelli. Arrimbendu si nant'à a mubilisazioni contr'à u prughjettu di custruzzioni ind'a Testa Vintilegna (cumuna di Figari), l'eletta Corsica Libera hà dumandatu à a cunsighjera esecutiva incaricata di u PADDUC, s'ella era pronta "à dumandà à u Statu di suspenda qualsiasi autorisazioni d'urbanisimu nova chersa nant'à i zoni sinsibuli è prutetti". Josepha Giacometti hà ammintatu una vera scelta di sucità. Stimendu chì "a quistioni di a scelta di sviluppu, di l'accunciamentu durevuli […] hè naturalmenti u PADDUC chì ci devi risponda", hà prupostu à Maria Giudicelli "di rimandà l'aduzzioni da i cumuni di i so ducumenti d'urbanisimu fin'è u votu di u futuru PADDUC". Un'ultima nuzioni chì a cunsighjera esecutiva hà dittu ch'ella era impussibuli. Malgradu tuttu, Maria Giudicelli hà stimatu chì l'Assemblea di Corsica ùn pudia validà prima qualsiasi prughjettu, l'unicu è solu foghju di strada essendu u PADDUC. Un PADDUC chì ùn hè micca "un custuma d'arlecchinu". Maria Giudicelli s'hè ingaghjata in fatti à dumandà à u Statu di suspenda qualsiasi autorisazioni nant'à i zoni sinsibuli.
Ecoutez-la.
Sur le même sujet
