Assemblée de Corse: le débat sur la coofficialité de la langue corse ce jeudi
(A redazzioni d'Alta Frequenza) - Dopu essa stata annulata u 25 d'aprili scorsu par via di l'assassiniu di u presidenti di u Parcu Naturali Righjunali di Corsica Jean Luc Chiappini, a prisintazioni di u raportu rilativu à un statutu pà a cuufficialità è a rinvivita di a lingua corsa sarà fatta infini issu ghjovi à l'assemblea di Corsica. L'ughjettivu sarà di truvà un accunsentu largu drentu à l'emiciculu à l'ora di u votu di issu ducumentu chì t'hà pà scopu d'incuragiscia è di nurmalizà l'usu di u corsu inde tutti i duminii è di guarantiscia l'impiecu ufficiali di u francesi è di u corsu à paru nant'à u tarritoriu isulanu. Trè settimani fà, issu dibattitu s'annunziava longu è difficiuli, l'asamini di più di centu amendamenti à issu testu essendu ancu statu ammintatu. U tempu chì ci hè statu trà issi dui mumenti avarà parmissu di cambià appena l'affari in bè ? Cunnosciaremi a risposta forsa ghjovi à sera. In tutti i casi, ci hè calcosa di sicuru, ogni partitu hè prontu, com'è i naziunalisti di Femu a Corsica, bramosi di neguzià bè issu mumentu chjavi qualificatu di "storicu" da u cunsighjeru tarrituriali Saveriu Luciani.
Ecoutez-le.
