Assemblée de Corse : le groupe communiste, seul vrai opposant au rapport sur les OSP dans le maritime
(A redazzioni d'Alta Frequenza) - 22 voci! Hè dunqua cù issa maghjurità corta chì l'Assemblea di Corsica hà dittu di sì à u raportu rilativu à l'Ubligazioni di Serviziu Publicu ind'u maritimu. Rammintemi chì l'OSP parmettini à cumpagnii maritimi, cù una cunvenzioni cù l'uffiziu di i trasporti, d'apra ligni maritimi nant'à a Corsica, è què senza cumpensazioni finanziaria mentri chì a dilegazioni di serviziu publicu sceghji, paghendu lu, un uparatori da rializà quillu serviziu publicu. Com'ella si pò induvinà, si tratta di cuncetti assai sfarenti, o ancu upposti in materia di trasporti maritimi. In fatti, da un cantu, cumpagnii sò pagati pà rializà un serviziu publicu scantendu tutti i prublemi di rentabilità, è da l'altru, altri cumpagnii sò cunvenziunati nant'à u marcatu libaru, ma senza avè à utilizà i soldi publichi. Dui maneri di veda l'affari dunqua ùn poni cà andà di fronti quandu chì s'entri ind'u mondu puliticu, ed hè ciò chì hè accadutu inde l'Assemblea di Corsica. Sceghja a suluzioni a menu gattiva, era u prublema à risolva pà un'assemblea assai spartuta nant'à a quistioni. U gruppu cumunistu hè statu, a diciami, u solu veru uppunenti à issu raportu quì. Malgradu u fattu chì novi mudificazioni nant'à i diciasetti prisintati sighini stati vutati, u votu finali s'hè traduttu da un innò senza rimorsu. Michel Stefani ci hà dittu parchì.
Écoutez-le.
Sur le même sujet
