Assemblée de Corse : question orale pour une meilleure sécurisation des routes territoriales pour les motards
(A redazzioni d'Alta Frequenza) - I cunduttori di motò di Corsica, à traversu a so Lega isulana è l'Associu Moto Strada, manifistarani oghji (ghjovi) davanti à l'Assemblea di Corsica, mentri chì una quistioni urali sarà posta da u gruppu Femu A Corsica nant'à a securisazioni di i stradi tarrituriali. Daretu à què, "imperativi specifichi in materia di securisazioni di vii di circulazioni è frà altru pà ciò chì tocca à i traguli di securità", diciarà stamani Jean Biancucci, ind'a so dumanda. Parchì sicondu l'elettu naziunalistu, s'è issi dispusitivi, cuncipiti à spessu pà l'automobilisti, parini viaghjà bè, pà l'usadori di motò inveci, l'affari và à l'arringuerciu è soprattuttu à maiò parti di u tempu com'è veri "ghigliuttini". I cunduttori di motò è l'eletti dumandani di fattu un accunciamentu di parechji zoni, è un "segnu forti" di l'Assemblea di Corsica.
Écoutez Jean Biancucci.
