Assemblée de Corse: Stéphanie Grimaldi s’est employée à démonter pièce par pièce l’édifice PADDUC
(A redazzioni d'Alta Frequenza) - L'assemblea di Corsica asamineghja dipoi stamani (ghjovi) u cartulari maiò di a mandatura Giacobbi, vali à dì u Pianu d'Accunciamentu è di Sviluppu Durevuli di a Corsica. Una seenza assai longa chì duvaria cambià u prugramma di ssa sissioni parchì u solu cartulari PADDUC, dopu avè impostu una seenza di notti longa quì dinò, duvaria vultà in dibattitu torna dumani matina. Una parti di a matinata hè stata cunsacrata à una dumanda intrudutta da u gruppu di diritta chì dumandava di rimandà ssu cartulari. I naziunalisti, indecisi duranti un tempu longu annant'à ssa quistioni, ani dicisu infini d'andà contr'à u ricusu di ssa dumanda, è u dibattitu hà pussutu cumincià dunqua. Com'è vi ni pudeti dubbità, si tratta di un cartulari assai cumplessu, più di 3 000 paghjini di ducumenti tennichi suventi difficiuli à capiscia ancu pà l'eletti. Parechji gruppi si sò spressi dighjà à st'ora quì, com'è par asempiu u gruppu Rassembler pour la Corse chì cù u voci di Stéphanie Grimaldi hà smuntatu pezza à pezza l'edifiziu PADDUC. Ùn fà micca di u PADDUC calcosa di cumplettamenti sarratu pà u sviluppu di l'isula, eccu ciò ch'ella hà dittu cun insistenza Stéphanie Grimaldi parechji volti; emi scuntratu ss'ultima dopu à a so intarvinzioni.
Steti à senta à Stéphanie Grimaldi.
Sur le même sujet
