Assemblée de Corse : une quasi-unanimité pour la DSP maritime 2016-2017
(A redazzioni d'Alta Frequenza) - Ghjurnata difficiuli ssu vennari à l'Assemblea di Corsica induva dui cartulari, ed hè calcosa appena di custenti, ani criatu prublema. Trasporti marritimi è pulitica di i rumenzuli, pulitica di i rumenzuli è trasporti marittimi, a ghjurnata sana hè stata didicata à ssi dui cartulari soprattuttu. Parchì una maghjurità hè stata difficiuli à truvà è pà l'unu è pà l'altru, è u travaghju s'hè fattu soprattuttu in cumissioni. A situazioni hè stata difficiuli dunqua pà i rumenzuli, ma dinò pà u cartulari di a dilegazioni di serviziu publicu pà a spluttazioni di i servizi di trasporti marittimi. Principiatu arimani, u dibattitu nant'à i trasporti marittimi hè statu piantatu è rimandatu à arisera; a listessa cumissioni, quilla di u sviluppu ecunomicu, di l'accunciamentu di u tarritoriu è di l'ambienti, ùn pudia micca studià di fattu i dui cartulari à tempu. U raportu hè statu aduttatu infini guasgi à l'unanimità, fora di i trè voti contru di u gruppu cumunistu.
Ghjuvan Filici Acquaviva hà spiecatu torna a visioni di a maghjurità nant'à una dilegazioni di serviziu publicu chì di tutti i maneri durarà solu un annu.
