Assises de l'Emploi et de la Formation : la satisfaction de la CFDT Corsica
(A redazzioni d'Alta Frequenza) - I Primi Assisi di l'Impiecu è di a Furmazioni in Corsica, n'emi dighjà parlatu, sò stati lanciati a settimana scorsa in Aiacciu, à l'iniziativa di l'ADEC. Assisi chì si tinarani inde l'isula sana fin'è farraghju di u 2013, frà altru cù parechji attelli cù tematichi liati à l'impiecu à a furmazioni, da fà nascia una vera cuncertazioni pà sviluppà issi dui poli di primura. A CFDT Corsica era prisenti d'altrondi à u Palazzu di i Cungressi d'Aiacciu a settimana scorsa, è hà vulsutu sottulineà iss'iniziativa quì qualificata di "filici" da u so raprisintanti, Jean Toussaint Mattei. U sindicatu, chì hà da participà d'altrondi à l'attelli di travaghju fendu pruposti pricisi numarosi, voli incalcà nant'à u fattu chì a Corsica sviluppeghja di più in più impiechi precarii, cù una crescita di i CDD è cuntratti ditti d'intérim, mentri ch'elli calani i CDI. Iss'assisi cascani bè dunqua pà a CFDT, chì si feliciteghja inveci chì l'accentu sighi statu missu nant'à l'impiecu è a furmazioni di i seniors, ma dinò è soprattuttu di i ghjovani.
Écoutez Jean-Toussaint Mattei pour la CFDT Corsica.
