Assises de la Culture : ce sera aux beaux jours
(A redazzioni d'Alta Frequenza) - "A cultura devi fà sucità è a sucità devi fà cultura" ! Un slogan, una rivindicazioni chì ribomba guasgi cù a listessa forza cà quaranta anni fà è u famosu Riacquistu. Una sissioni spiciali didicata à a cultura era urganizata ssu ghjovi à l'Assemblea di Corsica; dopu à quissa quì, hè statu dicisu d'urganizà à u mesi di ghjunghju l'Assisi di a Cultura è una seenza publica cunsacrata di manera sana à u prublema culturali di lugliu. A dumanda era stata fatta dighjà calchì tempu fà da u gruppu Femu a Corsica di pettu à a situazioni difficiuli ch'ellu campa u mondu culturali isulanu. S'ella hè inghjinnata soprattuttu da i riduzzioni putenti di l'aiuti di a Cullittività Tarrituriali di Corsica à prò di l'attori di ssu mondu quì, hè liata dinò à un rinculu più generali di a cultura è di a cursufunia. Hè ora oghji di difiniscia un veru prughjettu à ssu nivellu quì, di rimetta in ballu un prucedimentu degnu di u Riacquistu, un gennaru di "siconda tappa" di u Riacquistu d'appressu à Saveriu Luciani.
Steti à senta à Saveriu Luciani, cunsighjeru tarrituriali Femu a Corsica, chì s'impegna assai annant'à ssu cartulari quì.
Sur le même sujet
