Association Foncière Pastorale de Lozzi: un exemple pour la Corse entière?
(A redazzioni d'Alta Frequenza) - L'Associu Fundariu Pasturali di Lozzi hà fattu un novu passu maiò ind'a perspettiva di a missa in ballu d'azzioni cuncreti. In fatti, un'assemblea ghjinirali di i pruprietarii custitutiva di l'AFP hè stata urganizata calchì ghjornu fà, pà validà u perimetru di 2011 ettari postu duranti un'inchiesta publica rializata dipoi u 1a di lugliu scorsu. Più di 70% sò stati d'accunsentu, 14,72% ani dittu d'innò è 13,44% di i lettari racumandati ùn sò micca stati ricivuti, ss'ultima parcintuali aghjustendu à u "iè" iniziali grazia à a regula "quillu chì ùn dici nulla hè d'accunsentu", fendu cullà u "iè" à 83,73%. Tocca oramai à u prifettu di pighjà l'arrestu di criazioni di ssu stabulimentu publicu fundariu. Tandu, l'AFP di Lozzi pudarà rializà i so primi azzioni d'accunciamentu pà valurizà u so tarritoriu è stallà di modu prugressivu attivi ind'u settori pruduttivu è u turisimu rurali, tuttu què cù aiuti publichi impurtanti pà i pruprietarii inseriti di manera vulintaria ind'i prughjetti è azzioni validati da l'AG. Un'iniziativa chì pudaria essa un asempiu pà a Corsica sana, à u mumentu chì i prublematichi di u fundariu è di a tarra sò propiu caldi.
Ecoutez les précisions du maire de Lozzi, Jean-Félix Acquaviva.
Sur le même sujet
