Assurances moyens de paiement: petites assurances, grosses dépenses !
(A redazzioni d'Alta Frequenza) - L'UFC-Que Choisir di Corsica hà publicatu à a vigilia di a prisintazioni di un prughjettu di legi "cunsumazioni" à l'assemblea naziunali, i risultati di a so analisi nant'à l'utilità di i picculi assicuranzi chì sò à spessu liati à ughjetti chì omu compra com'è telefunini, o à servizii com'è quandu si faci una riservazioni par un viaghju. Emi sceltu d'intarissà ci più particularmenti à u latu maiò di issu studiu, l'assicuranzi ditti di "mezi pà pagà", chì devini pruteghja a ghjenti contr'à i risichi di perdita, d'arrubecciu è d'utilisazioni da malfattori di scecchi o carta bancaria. È malgradu una calata custata di 19,1% di a delinquenza ind'a materia in Corsica, i costi ind'i stabilimenti bancarii crescini di più in più (costi trà 18 è guasgi 30 auri à l'annu) è si rimarca di manera paradussali una prutezzzioni ridutta com'è mai. Iss'assicuranzi raprisentani infini rivinuti maiò pà i banchi, 940 milioni d'auri di marghjina in Francia è 768 000 auri pà a sola Cascia righjunali di u Crédit Agricole di Corsica par asempiu. L'UFC voli fà passà u missaghju à tutti i cunsumatori, chì pensani pagà assai di menu pà iss'assicuranzi chì poni fà effettu doppiu cert volti cù altri ch'elli t'ani dighjà senza sapè la.
Ecoutez les précisions Marc Jouatte, pour l’UFC-Que Choisir de Corse-du-Sud.
