Attitude de l'Etat et élections territoriales : Femu a Corsica en mouvement
(A redazzioni d'Alta Frequenza) - U gruppu Femu a Corsica di l'Assemblea di Corsica tinia ssu ghjovi da mani una cunfarenza di stampa in Aiacciu. Dopu a visita luni in Corsica di u ministru di l'Internu, Bernard Cazeneuve, induva Femu ùn hà micca vulsutu participà ramintemula, i naziunalisti ani vulsutu fà cunnoscia a so analisi cuncirnendu l'attitudini di u Statu è prisintà i so perspettivi pulitichi. Cuncirnendu u prima puntu, ssa scelta ùn hè micca, sicondu u partitu, una strategia di rumpitura o di ricusu di u dialogu, ma piuttostu l'esigenza di risposti chjari di u Statu, à milli chilometri di i ripasti republicani o di tutti i riunioni senza ughjettu, nè metudi. Pà Femu a Corsica, a salvezza di a Corsica ùn pò passà solu pà a criazioni di una cullittività unica, tutti i deliberazioni storichi presi da l'Assemblea di Corsica duranti a mandatura chì si compii devini riceva oramai risposti chjari dinò è senza aspittà. U gruppu pensa di fattu à a campagna di i tarrituriali di dicembri è lampa una chjama à tutti i naziunalisti, pà divintà u veru mutori di a maghjurità futura.
Steti à senta à Ghjuvan Cristofanu Angelini.
Sur le même sujet
