Aucune rencontre de football le 5 mai prochain : la réaction de Sauveur Gandolfi-Scheit
(A redazzioni d'Alta Frequenza) - Ind'un cumunicatu, u diputatu di Corsica Suprana, Sauveur Gandolfi-Scheit, riagisci dopu à a dicisioni presa da a LFP è a FFF di ùn ghjucà nisunu scontru di ballò u 5 di maghju chì veni, ghjornu di i vinti anni di a catastrofa di Furiani. U diputatu, assai impignatu inde issu cartulari, stima chì issa dicisioni "ùn hè chè ghjustizia, dopu à più di un annu di lotta accanita da fà mudificà prima a finali di a Cuppa, eppo issa ghjurnata di campiunatu". "U travaghju di sempri purtatu à latu di u cullettivu hè sbuccatu è voghju sottulineà l'impegnu forti di David Douillet, chì ghjunghjarà in Corsica Suprana u 18 di farraghju, inde issu cartulari". Malgradu tuttu, u diputatu "ùn si scorda micca chì s'è no semi riisciuti pà u 2012, nulla hè dicisu di modu difinitivu pà a santuarisazioni difinitiva di u 5 di maghju, vali à dì a suppressioni di issa data ind'i calendarii di a FFF è di a LFP". Sauveur Gandolfi-Scheit "trattarà pà un'ultima volta issa quistioni è uttena issa dicisioni, duranti a riunioni chì u ministru Douillet urganizarà issu marti 31 di ghjinnaghju à u ministeru di i Sports, in prisenza di i presidenti Thiriez è Le Graet è di i diputati di a Corsica".
Sur le même sujet
