Augmentation du chômage en Corse : le pessimisme grandit
(A redazzioni d'Alta Frequenza) - Senza surpresa, i sciffri di u marcatu di u travaghju pà u mesi di lugliu ùn sò micca boni torna una volta. Ramintemi chì in Corsica, erani 20 631 scritti ind'i categurii A, B è C à dumandà un impiecu à a fin di u mesi scorsu. Un numaru chì cresci di 1,1% di lugliu di u 2014 (+11,3% annant'à un annu). In Francia metrupulitana, u numaru di parsoni chì dumandani un impiecu scritti in ssi listessi categurii cresci di 0,8% di pettu à a fin di ghjunghju (+5% in un annu). Pà dipartimentu, ssu numaru di parsoni di categurii A, B è C hè trà +0,3% in Corsica Suttana è +1,7% in Corsica Suprana à u mesi di lugliu di pettu à a fin di ghjunghju. A Corsica hè dunqua tocca di manera assai forti da u disimpiecu torna, è ùn hè micca a situazioni ecunomica generali chì và di peghju in peghju ogni ghjornu chì hà da rassicurà à tuttu mondu, com'è i sindicati par asempiu.
Steti à senta à Paul Giacomoni, pà Force Ouvrière in Corsica Suttana.
Sur le même sujet
