Autonomie de la Corse : Vincent Carlotti milite pour l'organisation d'un référendum d'initiative populaire
(A redazzioni d'Alta Frequenza) - Era forsa sempri un affari disturbanti una trentani d'anni in daretu, o in tutti i casi, sola u currenti naziunalistu ni parlava di modu pienu, ma oghji a parolla hè divintata guasgi di primura : 'l'autunumia" ùn faci più a paura in Corsica. Ancu meghju, l'idea di un statu d'autunumia pà a nostra isula ùn hè più solamenti difesa da i soli partiti naziunalisti, muderati o micca. Ind'u quadru di a nostra emissioni U Sguardu, stamani nant'à Alta Frequenza, Vincent Carlotti hà ancu prupostu l'idea di l'urganisazioni di un veru referundum, urganizatu in Corsica, da dumandà à i corsi, cosa ni pensani infini. Sicondu Vincent Carlotti, issu referundum ùn devi micca essa urganizatu da u guvernu, o da i servizii di l'assemblea di Corsica, ma tuttu simpliciamenti da un'iniziativa indipendenti lucali, un'iniziativa "pupulari", capaci di metta in ballu issu cuntrastu trà i citadini. Vincent Carlotti t'hà a voghja daveru di travaghjà in issu sensu quì, da pudè metta in piazza issu prughjettu ambiziosu.
Écoutez Vincent Carlotti.
