Avenir de la SNCM : le STC pointe du doigt le comportement des autres organisations syndicales
(A redazzioni d'Alta Frequenza) - Hè annant'à u Jean Nicoli, ind'u portu d'Aiacciu, chì u STC di i marinari di a SNCM hà sceltu d'urganizà una cunfarenza di stampa ssu marcuri da mani. U sindicatu naziunalistu hà fattu sapè cù forza ch'ellu hè statu ubligatu à andassini di u Cumitatu d'Intrapresa di a cumpagnia marittima arimani (marti) in Marseghja pà fà cunnoscia u so disaccordu prufondu di pettu à a vulintà di l'altri urganisazioni sindicali, a CGT a prima, è di a Direzzioni, di "passà in forza annant'à u votu di un ducumentu". Un ducumentu chì u STC era u solu à ùn avè micca avutu, è chì prividia d'appressu à ellu i cundizioni finanziarii di i partenzi di i parsunali ind'u quadru di u futuru pianu suciali. I naziunalisti dinunziani di manera putenti u cumpurtamentu di l'altri urganisazioni sindicali chì s'approntani, sempri sicondu elli, à "validà u prucedimentu d'intrata di un privatu nentru à l'azziunariatu di a SNCM" è dunqua d'andà di fattu parchì micca ver di una privatisazioni di a cumpagnia. In fatti, ci sariani stati discussioni trà ssi listessi urganisazioni è Christian Garin, anzianu patronu di u portu di Marseghja, chì pudaria fà un'ufferta. U STC, chì difendi più cà mai a nascita di una cumpagnia publica corsa, ùn voli micca lacà i cosi passassi di ssa manera quì, com'ellu a ci dici Alanu Mosconi.
U stemi à senta.
Sur le même sujet
