Avenir politique, économique et social de la Corse: le rôle de l'Europe
(A redazzioni d'Alta Frequenza) - U presidenti di u Cumitatu ecunomicu è suciali aurupeu, Henri Malosse, era in visita in Aiacciu a settimana scorsa. Quattru ghjorni ind'a cità Imperiali chì ani parmissu à ss'ultimu di tena parechji cunfarenzi inghjiru à i quistioni aurupei è di racoglia i spiranzi è i dumandi di tuttu ognunu à ssu nivellu quì, ind'un cuntestu di crisa ecunomica è suciali propiu difficiuli. À u mumentu chì a Corsica ghjoca una partita impurtantissima pà ciò chì tocca u so avvena istituziunali è custituziunali, Henri Malosse hè ghjuntu pà mandà un missaghju assai pricisu: l'Auropa pò avè un rollu pusitivu di pettu à ss'intarrugazioni di focu. Un missaghju chì sciappa di fattu a maghjina di luntananza chì tuttu u mondu pò avè di ss'istituzioni maiò.
Steti à senta u presidenti di u Cumitatu ecunomicu è suciali aurupeu, Henri Malosse.
