Bac 2014 : la Corse sur la première marche du podium, mais...
(A redazzioni d'Alta Frequenza) - 92% di riescita glubali pà u baccu 2014 ! A Corsica ùn avia mai cunnisciutu un nivellu cusì altu parchì quissu quì a faci ghjunghja à u primu postu à u nivellu naziunali postu chì u sciffru naziunali hè d'88%. U nivellu di cuntintezza colla torna appena di più quandu si sà chì ssa riescita tocca tutti i categurii di u bascigliè : u baccu ghjinirali hè à 95% di riescita contr'à 91% à u nivellu naziunali, u baccu tennologicu 95,5% in Corsica contr'à 90,6% è u prufiziunali 83% contr'à 82%; lachemi da cantu i virguli. Ind'i sfarenti serii di u baccu ghjinirali, ritruvemi sempri a listessa tindenza, com'è o appena meghju cà l'annu scorsu, ma sempri sopra à a media naziunali. Aldilà di ssa cuntintezza, Michel Barat hà vulsutu fà cunnoscia malgradu tuttu calchì puntu neru, parchì ci n'hè.
Steti à senta u rettori di l'accademia di Corsica.
