Bac 2015 : des résultats une nouvelle fois très satisfaisants à l'issue du 1er groupe d'épreuves
(A redazzioni d'Alta Frequenza) - I risultati di u bascigliè sò stati publicati ssu marti pà i guasgi 2 400 elevi di l'accademia di Corsica cuncirnati. Risultati chì, dopu à u prima gruppu di i provi, sò torna assai boni, sicondu u rettori d'Accademia. Michel Barat dici di fattu chì u nivellu di riescita pà u baccu generali hè quist'annu d'82,7% par avà, contr'à 81,8% in u 2014. Pà ciò chì tocca u baccu tennologicu, 80,9% di i candidati ani riisciutu in u 2015, contr'à 86,8% l'annu scorsu ; una calata chì u rettori spiega par via di u carattaru eccezziunali di i risultati di u 2014, mentri chì quissi quì erani solu di 72,9% dui anni fà. Infini, si custata una calata assai lighjera di i risultati di u bascigliè prufiziunali : 73,6% quist'annu di riescita contr'à 73,8% duranti l'ultimu eserciziu. Risultati pruvisorii, chì crisciarani torna ben intesu dopu à l'urali di richjappu, è chì lacani pinsà, quist'annu torna, à una billisima piazza pà a Corsica in a classifica di l'accademii i più boni di Francia.
Sur le même sujet
