Baisse des dotations de l'Etat pour la Haute-Corse : l'amertume de Joseph Castelli
(A redazzioni d'Alta Frequenza) - C'era ssu ghjovi una sissioni di u cunsighju generali di Corsica Suprana, è duranti quissa quì, u prifettu di Corsica Suprana hè ghjuntu à prisintà u bilanciu di i servizi di u Statu. Una prisintazioni menu rimarcata par via di u cartulari di u bughjettu mudificativu quist'annu, chì hè statu vutatu senza a participazioni di l'uppusizioni. Ci voli à dì chì c'hè una mudificazioni maiò nentru à ssu cartulari : mentri chì u dipartimentu aspittava di pettu à a perequazioni trà 9,5 è 10 millioni d'auri d'aiuti di u Statu, quissu quì virsarà solu infini 1,7 millioni d'auri. Di logica, Alain Rousseau hè statu quistiunatu è criticatu parechji volti com'è raprisintanti di u Statu. A so risposta hè stata chjara : i cullittività lucali devini fà 3,7 milliardi d'auri d'ecunumia, è ùn c'era nisun raghjoni chì a Corsica Suprana sighi scantata, u so rollu essendu di gistiscia à u meghju i mezi accurdati. Pà Joseph Castelli, senatori è presidenti di u cunsighju generali di Corsica Suprana, l'amarezza hè propiu prisenti soprattuttu chì d'appressu à ellu, u presidenti di a Republica François Hollande è Marylise Lebranchu l'aviani guarantitu chì a Corsica Suprana, com'è altri dipartimenti più chjuchi cà l'altri, ùn saria micca tocca o micca troppu.
Steti à senta à Joseph Castelli.
Sur le même sujet
