Baisse du tarif résident corse dans l'aérien
(A redazzioni d'Alta Frequenza) - Un'infurmazioni chì hè guasgi stata sminticata par via di a doppia visita ministiriali di vennari scorsu ma chì hè quantunqua maiò : l'eletti di l'assemblea di Corsica ani aduttatu ghjovi scorsu u raportu annant'à l'Ubligazioni di Serviziu Publicu inde l'aereu. Un raportu impurtanti, ch'ella sia pà a cumpagnia dilegataria Air Corsica cà pà l'usadori, cù u scopu d'aduttà i novi OSP annant'à i viaghji trà a Corsica è l'aeruporti di Parighji Orly, Marseghja è Nizza senza aspittà marzu di u 2016 è a fin di i cunvenzioni di DSP pà a sfruttera di u serviziu publicu aereu di l'isula. Ma a nuvità maiò hè soprattuttu a calata di u prezzu residenti pà l'isulani, ch'elli sò numarosi à qualificà di "storica". Di fattu, pà un bulu Corsica-Parighji / Parighji-Corsica, da i quattru aeruporti corsi, u prezzu sarà di 190 auri TTC inveci di 250 auri à pocu pressu par avà; pà a listessa pristazioni, u prezzu di u bigliettu sarà di 107 auri par andà in Nizza è di 110 auri pà parta in Marseghja. In più di u prezzu residenti classicu ci n'hè in più unu novu dittu "adattatu" cù riduzzioni intarissanti.
Steti à senta à Fanfan Mosconi, u presidenti di a cumpagnia aerea Air Corsica.
Sur le même sujet
