Baisse du tarif résident dans l'aérien : les explications de Paul Giacobbi
(A redazzioni d'Alta Frequenza) - L'assemblea di Corsica hà aduttatu ghjovi scorsu u raportu annant'à u rinnovu di l'Ubligazioni di Serviziu Publicu inde l'aereu, annant'à chì hè vultatu u presidenti di l'Esecutivu Paul Giacobbi, in cumpagnia di i dirighjenti di a cumpagnia Air Corsica ssu luni duranti una cunfarenza di stampa. Ssu raportu t'avia in fatti pà scopu d'aduttà i novi OSP annant'à i viaghji trà a Corsica è l'aeruporti di Parighji Orly, Marseghja è Nizza senza aspittà marzu di u 2016 è a fin di i cunvenzioni di DSP pà a sfruttera di u serviziu publicu aereu di l'isula. L'uccasioni di metta in ballu un doppiu sistema di calata : una cuncirnendu u prezzu residenti dittu "classicu", è un'antra cù a criazioni di un prezzu residenti "adattatu" cù certu cundizioni è prupunendu riduzzioni intarissanti ; quissi quì sarani effettivi dunqua à partasi di u veranu di u 2016. Un'uparazioni chì t'avarà un costu pà a Cullittività Tarrituriali di Corsica trà 2 è 4 millioni d'auri à l'annu, è chì t'avarà com'è cunsiquenza una calata di l'ufferta di piazzi com'è cumpensazioni.
Steti à senta à Paul Giacobbi, u presidenti di l'Esecutivu di Corsica.
Sur le même sujet
