Bâtiment de traitement des déchets à Tallone : François Tatti soutient le maire
(A redazzioni d'Alta Frequenza) - Dopu a cuntistazioni a sittimana scorsa di a municipalità di Tallone, u presidenti di u Syvadec ùn pudia micca stà senza riagiscia. Ramintemi chì Christian Orsucci, u merri, hà fattu cunnoscia l’inchietudini forti di a cumuna di pettu à i cunsiquenzi ch’ella inghjinnaria a suspensioni di u prughjettu di criazioni di un lucali di trattamentu di i rumenzuli annant’à u situ di Tallone. Di pettu à u ricorsu intruduttu da u mezu assuciativu, sustinutu d’altrondi da Femu a Corsica, François Tatti accerta chì ùn si pò pratenda di pruteghja a Corsica è upponasi à tempu ad ogni prughjettu. U presidenti di u Syvadec dumanda chì suluzioni ghjuridichi sighini trovi pà pudè lià cù intellighjenza u Padduc è a legi liturali cuncirnendu i prublemi di rumenzuli.
Steti à senta à François Tatti.
Sur le même sujet
