Bernard Cazeneuve ne veut pas aller trop vite : commençons par consolider l'existant !
(A redazzioni d'Alta Frequenza) - Chiche ! Bernard Cazeneuve, u ministru di l'Internu in visita in Corsica oghji (vennari) cù a ministra di a Dicintralisazioni Marylise Lebranchu, hà annunziatu chì u guvernu batti à prò di a criazioni di una cullittività unica in Corsica. Davanti à l'eletti di l'Assemblea di Corsica, chì s'erani spressi nanzi à ellu, u ministru hà dittu ch'ella si pudaria cuncretizà in furia cù l'aduzzioni di un amendamentu ind'a legi NOTRe. S'è, com'elli a vuliani certi eletti, l'urganisazioni di un referendum annant'à a dumanda era una dumanda di a CTC, ss'amendamentu cuncirnaria tandu l'urganisazioni di quissu quì, cù di sicuru un ritardu ind'a missa in piazza. Ind'u prima casu, a Cullittività Unica di Corsica pudaria nascia u 1a ghjinnaghju di u 2018. Ma u ministru era dinò aspittatu annant'à altri prublemi : statutu fiscali, cuufficialità di a lingua corsa è u statutu di residenti par asempiu. Annant'à ssi punti quì, fora di dichjarazioni d'intenzioni, ùn emi micca avutu dati cuncreti. "Cumincemi pà cunsulidà ciò chì asisti dighjà", hà dittu Bernard Cazeneuve chì hà ricunnisciutu chì par avà tutti i dumandi cuncirnendu l'aspetti custituziunali ùn erani micca presi in contu par avà.
Steti à senta à Bernard Cazeneuve, u ministru di l'Internu.
