Bernard Cazeneuve propose la création d'une collectivité unique de Corse intégrée à la loi NOTRe
(A redazzioni d'Alta Frequenza) - "Chiche" ! Eccu a parolla aduprata da u ministru di l'Internu Bernard Cazeneuve in visita in Aiacciu ssu vennari in cumpagnia di a ministra di a Dicintralisazioni Marylise Lebranchu in fin di matinata à l'eletti tarrituriali inde l'emiciculu di l'assemblea di Corsica. Una visita aspittata da tutti i puliticanti corsi, cù a spiranza di senta infini annunzii cuncreti è pusitivi. "Chiche" ! A pruposta hè stata fatta da Bernard Cazeneuve à ss'eletti tarrituriali di crià ciò chì quissi quì dumandani pà una grandi maghjurità, vali à dì una cullittività unica. Una criazioni chì pudaria essa pussibuli grazia à l'intruduzzioni di un amendamentu à a legi NOTRe, difesa ghjustu appuntu da Marylise Lebranchu davanti u Parlamentu. Sicondu u ministru di l'Internu, ssa cullittività unica di Corsica pudaria nascia à u più tardi in u 2018.
Steti à senta à Bernard Cazeneuve in un strattu di u so discorsu di ssu vennari da mani à l'assemblea di Corsica.
Sur le même sujet
