Bilan d'activité des services de sécurité en Corse-du-Sud : du bon et du moins bon
(A redazzioni d'Alta Frequenza) - U bilanciu di l'attività di i servizii di securità in Corsica, è in Corsica Suttana in particulari, era u tema di a cunfarenza di stampa urganizata stamani (ghjovi) da u prifettu di Corsica è u prucuratori di a Republica d'Aiacciu. Tutti i servizii, è sò numarosi, liati à a prublematica di a securità erani prisenti da fà u bilanciu, u più pricisu pussibuli, di a delinquenza ind'u dipartimentu è si pò dì chì ci hè da bia è da magnà. In fatti, 7200 fatti di delitti sò stati censati in u 2011, una crescita di 8% di pettu à l'annu nanzi. L'atti diversi contr'à i bè matiriali, i scruccunarii, l'infrazzioni ecunomichi raprisentani a maiò parti di issa crescita, com'è l'uffesi di modu fisicu. À u nivellu righjunali, si custata una calata cuntinua di u numaru d'attentati, 62 in u 2011 contr'à più di 80 l'annu prima. 22 assassinii è 16 provi sò stati censati in u 2011, ciò chì inchieta assai i puteri publichi, com'è i fatti di viulenzi ver di l'eletti.
Écoutez Patrick Strzoda, préfet de Corse
Sur le même sujet
