Bilan de la Charte de la Commande Publique dans le secteur du BTP en Corse
(A redazzioni d'Alta Frequenza) - U bilanciu di a missa in opara di a Cartula di a Cumanda Publica in u settori di u BTP hè statu asaminatu ssu marcuri dopu meziornu in prifittura di Corsica. Un bilanciu cortu, parchì ssa cartula hè stata signata u 30 d'uttrovi scorsu, ma era intarissanti pà tutti i signatarii di fà un puntu. In fatti, u Statu, a Cullittività tarrituriali di Corsica, i Cunsighji Dipartimintali, i camari cunsulari, l'urganisimi prufiziunali eppo a CAPA è a CAB ani signatu di vaghjimu scorsu un ducumentu pà rilancià u settori di u BTP. Ramintemi chì dipoi u 2010, l'intrapresi chjuchi è mezani di u settori di i custruzzioni scontrani difficultà impurtanti. Crisa ecunomica è calata di a cumanda publica, sò parechji anni oramai chì tuttu ssu settori faci sapè ch'ellu và mali. U scopu di ssa cartula hè dunqua di rinfurzà a cuuperazioni trà i prufiziunali è i puteri publichi chì dani l'ordini. Comu ?
Steti à senta à Bernard Schmeltz, u prifettu di Corsica.
Sur le même sujet
