Bilan des apports du FEDER et du PEI pour la Corse
(A redazzioni d'Alta Frequenza) - U Secretariatu Ghjinirali pà l'Affari di a Corsica, chjamatu di manera più cumuna u SGAC, hà fattu anch'ellu a so riintrata issu marcuri. L'uccasioni di prisintà un bilanciu ghjinirali nant'à l'utilisazioni di i fondi aurupei in Corsica, frà altru u FEDER, è di fà un puntu nant'à u PEI, u Prugramma Eccezziunali d'Investimentu. U Fondu Aurupeu pà u Sviluppu Righjunali, chì adunisci u Statu è l'Unioni Aurupea, hà parmissu dipoi u 2007, grazia à più di 650 cartulari raprisintendu più di 120 millioni d'auri, di crià uppurtunità ecunomichi novi, di rinfurzà l'infrastrutturi chì asistini qualsiasi u duminiu cuncirnatu, eppo di fà crescia a cumpetitività di l'isula. U PEI, liendu pà contu soiu u Statu è a Cullettività Tarrituriali di Corsica, hà parmissu dipoi u 2002 di riazlià 410 uparazioni pà richjappà u ritardu strutturali di l'isula, in materia di trasporti, d'acqua è di trattamentu, di saluta, di cultura, di rumenzuli è di sviluppu urbanu frà altru. È pà iss'ultimu prugramma, di u quali a terza è ultima parti hè stata prisintata di nuvembri scorsu da u ministru di l'Internu, in visita in Corsica tandu, si poni quantunqua una dumanda. In fatti, sò parechji ad avè ammintatu, di pettu à a situazioni ecunomica attuali di i più difficiuli, una perdita di valori di u PEI di 35%, di pettu à quilla difinita in u 2002. Da tandu, issu pianu hè sempri adattatu o micca à i bisogni di a Corsica ?
Écoutez François Ravier, Secrétaire Général pour les Affaires de Corse.
