Blocage des ports : un ultimatum finalement fixé pour vendredi
(A redazzioni d'Alta Frequenza) - C'hè statu un cambiamentu ind'a scuntintezza di i traspurtadori pà ciò chì tocca u cunflittu in corsu à a SNCM. Mentri chì ssu marcuri da mani, i traspurtadori, dopu un appuntamentu chì hà dillusu in prifittura di Corsica Suprana, annunziavani un blucchimi subbitu è pà una durata micca ditarminata di u portu di Bastia, una riunioni chì hà adunitu ssu marcuri dopu meziornu socioprufiziunali numarosi com'è i traspurtadori, ma dinò i prupietarii d'hôtels è l'agricultori hà cambiatu a sorti. Tutti ssi socioprufiziunali, pà pighjà u so tempu, ani dicisu di lampà un ultimatum fin'è vennari, un ultimatum ver di u Statu rispunsevuli di a situazioni d'appressu à elli. S'è vennari, nulla hà cambiatu ind'u cunflittu di a SNCM, quissi quì mittarani in ballu azzioni pà cuntistà, u blucchimi di u portu di cumerciu di Bastia ni pudaria fà parti, tutti l'azzioni di i socioprufiziunali duvendu essa dicisi dumani in a Camara di Cumerciu è d'Industria di Corsica Suprana.
Sur le même sujet
