BTP : Jean-Jacques Panunzi réagit
(A redazzioni d'Alta Frequenza) - Urganisazioni tarrituriali! L'assemblea di Corsica studieghja oghji (ghjovi) l'architettura nova chì rimpiazzarà cù una cullittività unica a cullittività di Corsica è i dui dipartimenti. Mentri chì certi s'intarrugheghjani, è sò suventi i listessi, annant'à a simplificazioni amministrativa è u risicu di rimpiazzamentu di ciò chì asisti da "un"usina à gaz" assai di più cumplessa, altri facini critichi putenti. Jean Jacques Panunzi, cunnuscimi u so parè annant'à ssa quistioni, hè dinò assai annarbatu pà ciò chì tocca un'antra cumplessità, a rigulamentazioni imposta da i servizii di u Statu in materia di marcati publichi. Normi di più in più duri facini chì i cartulari ùn avanzani micca, dici Jean Jacques Panunzi è ancu s'è u dipartimentu di Corsica Suttana hà tinutu i so capacità d'investimentu, 65 à 70 millioni d'auri à l'annu fin'è u 2017, hè di più in più difficiuli di fà sbuccà i prughjetti. Ci voli, dici u presidenti di u cunsighju generali, appena di più ghjudiziu pà pudè fà avanzà di più i cartulari.
Steti à senta à Jean Jacques Panunzi.
Sur le même sujet
