BTP : une relève difficile
(A redazzioni d'Alta Frequenza) - Femu Quì, Corse capital Investissement, hà scuntratu a Federazioni di u BTP di Corsica Suttana, forsa pà pudè pinsà à un avvena cumunu. Ci voli à sapè chì u settori di a custruzzioni è di i travaghji publichi hè in una crisa gravi, è ss'affari ùn hè micca liatu solu à a situazioni ecunomica. In fatti, da quì à deci anni, l'intrapresi corsi di u settori scuntrarani, pà a so mità à u minimu, un prublema di successioni. Ghjovani pà pighjà a rileva, ghjunghjendu o micca da l'intrapresa, parini intarissati ma c'hè un antru prublema : dumanda cumpitenzi è un certu accumpagnamentu, eppo capacità finanziari, ed hè ghjustu appuntu quì chì a sucità d'investimentu pò intarvena.
Steti à senta à François Perrino, u presidenti di a federazioni di u BTP di Corsica Suttana.
Sur le même sujet
