Budget 2012 de la CTC : la réaction de Paul-Félix Benedetti pour Corsica Libera
(A redazzioni d'Alta Frequenza) - L’assemblea hà dunqua aduttatu in fin di settimana scorsa u bughjettu 2012 di a Cullettività di Corsica, un bughjettu chì sarà quist’annu di 613 millioni d’Auri, fora di a cuntinuità tarrituriali. Si tratta bè di u bughjettu primitivu pà l’annu chì veni, quissu quì chì sarà ritoccu da l’uparazioni di u bughjettu dittu in pim chì vinarà à affinà l’affari è dà u bughjettu difinitivu pà u 2012. Emi dighjà vistu chì un cuntestu prisintatu da Paulu Giacobbi, dimula franca a crisi, ùn pudia dà chè un bughjettu nant'à a calata, è issa calata hè di 1,46% di pettu à l'annu scorsu. Cù dati di Statu nant'à a calata di guasgi 1%, una fiscalità indiretta chì cala dinò di 0,32% è un'altra più lighjera di a a fiscalità diretta, pari ch'ella era difficiuli di fà meghju. Un votu chì hà pruvucatu un bellu bisbigliu à diritta cù un ordini spapersu di u campu liberali. N’emi dighjà intesu u colpu di scuntentezza di Ange Santini, anzianu presidenti di l’Esecutivu di Corsica. I naziunalisti elli dinò, si sò missi dacantu ; Femu a Corsica vulendu fà una sanzioni à u ducumentu di u bughjettu, ciò chì ùn hè micca statu u casu di Corsica Libera, chì ùn s’hè micca prununziatu nant’à issu cartulari.
Paul-Félix Benedetti nous a expliqué pourquoi.
