Budget 2024 de la collectivité de Corse : la majorité se défend face à une opposition offensive sur la baisse de l'investissement
Attacchendu issa Sittimana Santa, l’assemblea di Corsica faci u so Via Cruci trà riunioni è dibattiti.
Dopu à quiddi di marcuri – beddi spizzichi quantunca ! - liati à a scrizzioni lla Corsica in a custituzioni, li ci hè vulsutu issu ghjovi à avvià si à parlà di u bugettu di u 2024.
L’ochja di l’eletti sò stati punti un pocu da u sciffru di u invistimentu, chì cala da un annu à l’altru, passendu da 350 à 330 miliona.
Ed hè cù iss’argumentu ch’idda si hè invispita l’uppusizioni.
Jean-Christophe Angelini, u merri di Portivechju è capifila d’Avanzemu, hà dittu ch’idda era bedda grava a situazioni, parvia di a mancanza d’un pianu pluriannincu di i invistimenta è di i scelti di l’Esecutivu lla Corsica.
Steti lu à senta.
À nomu di Un Soffi Novu, Xavier Lacombe, u merri di i Peri l’hà fatti falà cutrati à nantu à a gistioni di a Cullittività di Corsica, rimpruvarendu li a mancanza di prughjetti strutturanti.
Steti lu à senta.
Louis Pozzo di Borgo, u prisidenti di a Cumunità d’Agglumirazioni Bastiaccia, hà difesu a Cullittività à nomu di Fà Populu Insemi.
Hà spiicatu chì a Cullittività di Corsica si pittughjighja, com’è l’altri cullittività, à uni beddi pochi di difficultà, è si devi adattà ancu idda à issi situazioni.
È hà vulsutu à sbuciardà à quiddi chì dicini ch’idd’ùn ci n’hè, prughjetti strutturanti.
Steti à senta à Louis Pozzo di Borgo.
