Budget primitif 2014 de la CAB : Francis Riolacci sceptique
(A redazzioni d'Alta Frequenza) - Ssu marcuri, u cunsighju cumunitariu di a Cumunità d'Agglumerazioni di Bastia s'hè adunitu torna, cù un cartulari di quilli maiò à u prugramma, l'aduzzioni di u bughjettu primitivu 2014. Un bughjettu aduttatu da tutti i cunsiglieri cumunitarii fora di Jean Zuccarelli, Marie Paule Houdemer è Francis Riolacci chì ùn ani micca vutatu. Ci voli à dì chì duranti a seenza, c’hè statu un certu chjami è rispondi trà u presidenti di a CAB François Tatti, è u so uppunenti Francis Riolacci, l’anzianu « monsieur » finanzi di a CAB, chì hà vistu a so gistioni criticata. Francis Riolacci hà criticatu ellu a scelta di l’austerità fatta, d’appressu à ellu, da a nova maghjurità, spiechendu a situazioni bughjettaria di a CAB da a calata di dutazioni di u Statu è da a perdita di ricetti fiscali, ricusendu qualsiasi gattiva gistioni pussibuli da a so parti.
Steti à senta à Francis Riolacci, chì faci parti di l’uppusizioni cumunitaria.
